Бусдаас юугаараа дутхав гээд шинэ жилийн бичлэг шиг юм бичсэн минь /мэдэж байна аа, аймар тэнэг гарчигтай/

Огторгуй тэнгэрээс мөнгөн цасан будран бутран буухуй
Оргилуун дарсны бахдам амт уруул гижигдэн баясуулна
Он солигдох торгон агшныг мөч тоолон хүлээхүй
Одтой насны дэврүүн сэтгэлд өвөл цаг даанч дулаахан.

Цааш унших >>

Байгаль эх - хойд эх шиг аашлаад буюу амь тавьсан ангаахайнуудын гэгээн дурсгалд:

Энэ бурхан нээрэн аюулын шогч, шооч нөхөр дөг өө. Яагаад зарим нэг "монгол" нөхрийг шар царайтай мөртлөө ногоон нүдтэй, тэгснээ бас болоогүй буржгар үстэй "бүтээдэг" байна аа? За яахав, гавлынх нь гадрыг ингэж гурилддаг юм байж гэхэд гавлан дотор нь гайгүй юм шигтгэчихгүй дээ - их, бага болон завсрын тархигүй, зүгээр л "өнчин" тархитай нь үйлдчихдэг энэ бурхан нээрэн... Гүйээ тэгээд тийм нөхрийг заавал надтай найзлуулахаар төлөвлөж, төсөвлөж л байдаг энэ бурах-н нээрэн...

Цааш унших >>

Хүүхдүүд минь!

Энэ хүмүүс чинь хэрэгтэй хэрэггүй юм их судалж явах юм аа. Зүгээр байхаар зүлгээд л суух гэдэг юм даг уу. Хаанахын ч юм дээ, хэсэг нөхөд хүний арьс сарын дотор нөхөн төлжиж шинэчлэгдэж байдгийг судалж, илрүүлсэн юм гэнэ билээ. Уг нь гагц могойг л гууждаг юм бодож суутал ухаант хүн гуай өөрөө могойтойгоо нэг тэрэгний дугуйнууд, таарсан таар шуудайнууд, хэрээ хэрээнийхээ харыг гайхмарууд болж таарахгүй юу.

Цааш унших >>

Lovin' U.

Шилжилтийн насандаа би айхтар дурлаж билээ.

Цааш унших >>

Gloomy sunday

Зурагтаар ярьж суудаг нэгэн эрхэм аанай л ярилцлага өгч байна. Хөтлөгч нь өнөөх л улиг болсон асуултуудыг асууна. "Бурхан байдагт итгэдэг үү?", "Өнөөгийн нийгмийн талаар?"

Өдий том болчихоод үлгэрт итгэдэг, еэ еэ бөөвөө.

Энэ Гүндалай яагаад ийм томоотой болчихов? Их хурлын танхим дотроо эгээ л циркийн манеж дээрх дэггүй сармагчин шиг элдэвлэж байдаг сан.

Цааш унших >>

Өтөлж байна даа

За ёстой мордохын хазгай гэлээ гээч шиг яасан балай өдөр төрчихөж вэ би? Ядахнаа сар бүрийн эхний өдөр сархад наймаалахыг хориглочихсон байдаг. Доохтой, доогтой л юм боллоо доо.

Цааш унших >>

Нулимс.

Ажил гэж толгойтой үснээс их байна гээд хүмүүсийн хэтрүүлэгтэй хэлдэгчлэн ойрд ёстой завгүй байна аа. Хүн хар тоож шагайдаггүй умгархан блогтоо өөрөө хүртэл нэвтрэлгүй удсаны минь учир шалтгаан нь энэ ээ.

Цааш унших >>

Хэрэгцээ

Шавхлан ч гэнэ үү, Шавхагдсан ч гэнэ үү нэг эрийн паян л улс амьтны ярианы сэдэв болоод байна даа. Мань эр уул нь дуучин хүн. Нэлээн ч их дуулж, нэр алдартай ч болж, бүр одон тэмдэг хүртэл хэд гурвыг аваадхаж л дээ. Тэдгээр нь хангалтгүй санагдсан уу өнөөх маань "Төрийн ордонд төрийн дууллаа зөв өнгөөр дуулчихдаг хүн ганцын чинээ алга" гэдэг шалтгаанаар төр түшилцэхээр санаа шулуудсан гэх. Төрийнхөө төлөө төрийн дууллаа өнгө алдалгүй дуулах эх оронч эрмэлзлийг нь олон түмэн ойлгож хүчрээгүйн хүчинд авилгачид, архичид, бизнесмэнүүд, бөхчүүд гээд элдвийн амьтны цуглан хүрээлсэн тэр газарт эгээтэй л нэг дуучин нэмэгдчихэлгүй өнгөрсөн юм байх. Гэтэл саяхан "гавъяат" маань "Үнэ нь үү?" хавьцаа нэртэй тоок шоу /арай доог шоу гээгүй байгаа?/-нд оролцож хөгөө чирсэн юм гэнэ ээ.

Цааш унших >>

Төгөлдөршил

Энэ фашистууд чинь өөдгүй цуснууд байж шүү. Сая л мэдлээ. "Фашион" гэдэгтэй язгуур нэгтэй үг шиг болохоор нь би ч загварын талын улсуудаар л төсөөлж байлаа. Тэгсэн юу вэ, өөрснийхөөсөө ондоо үндэс язгуур, арьсны өнгийг хүлээн зөвшөөрөх нь бүү хэл, хүйс тэмтрэхээр шулуудсан балмад хогнууд байдаг байгаа.

Цааш унших >>

Холимог хуурга шиг бичлэг

Иш чааваас, энэ өгсөн гарчиг сэлтийг нь хараад байгаарай таминь. Ойрдоо ухаан санаан дотор минь ухна ишиг унаадахсан аятай өөдгүй бодлууд л нэрж суух болов оо өгөр толгой PUZL. Гэвч, зэрэг нэмэхээсээ өмнө энэ гарчиг чинь бүр "холион бантан шиг бичлэг" гэж байсан юм шүү тэгж ярьвал.

Цааш унших >>

Дэм дэмэндээ дээсэрчинэ дээ.

За мэдэж байна аа мэдэж байна, "зөв бичгийн наад захын дүрэм мэдэхгүй хэвтэж зүйр үг ишилж, цэцэрхэх санаатай" гэх гэж байгааг чинь. Хэргээр ийм гарчиг тавьчихаад байхад л хэлэхийн завдалгүй намба алдах юм аа та нар.

Цааш унших >>

Өнөөдөр үсээ засуулбал өлбөрч үхнэ.

Намар цаг аа гэж... гэнгүүт л найр наадам, навчаа гөвсөн нүцгэн модод, уруул чимчигнэм айраг, ургац хураалтын ажил, анхны цас, сүүлчийн бороо, алдрай жаалуудын хичээлийн шинэ жил, идэхийн түүс болсон самар жимс, ичээндээ орох тарвага зурам төсөөлөгдөөд явчихаж байна уу? Хэний янаагүй ээ.

Цааш унших >>

Элэг хөшөөм "Ээс"-үүд

Хахаха, за аль вэ нөгөө байршил тогтоогч төхөөрөмж? Хаана байна өнөөх үүрэн телефоны хувьсгал энээ тэрээ? Түмэн таамаг, буман горьдлого төрүүлсэн эд нь тэгээд ийм хачин юм байхын чинээ хэн санах билээ. За за, юутай ч манай улс хорвоо дэлхийд хосгүй нэг архины бөглөөтэй л болох шив. Муу эр дайнд хөөрнө гэгчээр би ч хувьсгал бослого гарах юм л бодож суусан шүү.

Зүйл ангиа нэмүүлчихлээ.

Таргалах тийм сайхан зүйл үү, хэлээд орхи! Ихээ цухалдангуйгаар ингэж үглэх боллоо сүүлийн үед.

Цааш унших >>

"Сугадаа"

Тав зургаан жилийн өмнө, байрныхаа гадаа нарлажээ суутал гараа ардаа гавлуулсан эр ухаан зулаггүй гүйн өнгөрч, ардаас нь аахилж ядарсан нэг цагдаа "Наад хулгайчаа зогсоогоорой" хэмээн арай ядан хашгирч, алхах гүйх хоёрын завсар сажлан байж билээ. Би ч гэж би, шуудхан хүрч очоод л гэмтэн этгээдийг унагаж саатуулаад, цагдаагийн гарт хүлээлгэн өгч саваагүйтсэн сэн.

Цааш унших >>

Зугаа-алаад ирлээ.

Налгар намрын угтлага болгож найзуудын хамт зугаалаад ирлээ, PUZL хашир. Байгаль Хангай нь бахдам сайхан, цаг агаар нь хүртэл цаанаасаа захиалсан аятай, аятай сайхан аялал байлаа... гэх мэтчилэн явсан газрын сонин болгож янз янзын л юм бичмээр байна санж. Гэвч ямар ямар зүйл болсоныг яг таг сайн санаж өгдөггүй ээ, миний муу мартамхай толгой. Өнгө өнгийн айраг сөгнөж, өрнө дорнын зоог бэлтгэж явсаныг бол санаад байгаа юм.

Цааш унших >>

Жаалхүү гүйж ирээд: - Ээж ээ, би тийм тэнэг юм уу? гэж гэнэ. Тэгтэл хариуд нь: -Тэнэг минь, би аав чинь байна гэжээ. /Нэгэн онигоо./

БИ ТЭНЭГ...

Цааш унших >>

Family vs. Friends

Цааш унших >>

Аяны богц задлахуй дор

Би нээрээ морь унасан. Адууны дэл дээр хийсэх дуртай адтай, эртэй идэр эр хөдөө газар очсоны хэрэг юусан билээ. Сумын төвийн гудмаар салхи татуулан давхиж явахад улаан хацартай охид өөр хоорондоо шивнэлдэж, өөдөөс талимаарч аальгүйтээд л...

Цааш унших >>

"Шүлэг минь, хүлэг минь..."

Цааш унших >>

Харшил

Тоосноос, ургамлаас, амьтнаас гээд энэ харшил чинь элдвийн зүйлээс үүдэлтэй байдаг юм даг уу. Хушга самар, хулгана муураас авахуулаад ер санаанд оромгүй зүйлтэй харшилж, шаналж зовж явах юм энэ улсууд.

Цааш унших >>

"Инээд их учиртай хөдөлгөөн"

Би л лав эд нарыг анх үзчихээд дарвайтлаа инээсийм даг. Та нарт ч бас таалагдана гэж найдаж байна.

Цааш унших >>

Өчигдөр, өнөөдөр, тэгээд ...

Хаалга тогшиж зугтаагаад байсан сахилгагүй нусгайг үйлдэл дээр нь гардаадахваа. Удаа дараагийн "давтан" хэргийнх нь хариуд хярамцаг болтол нь загнаад өгье гэвч чадсангүй. Энэ зэргийн "нусан пулемёт"-ыг бол нулимсыг нь гартал зэмлээд хаячих ч юухан байхав дээ.

Цааш унших >>

Ном дор мөргөмү. /үргэлжлэл/

1. Насаар эгчмэд нэгэн танил маань ажлаасаа халагдсан тухайгаа хуучилсан юм. Хувийн компанид оффисийн ажил хийдэг танилыг маань дарга нь түнш компани руугаа хүсэлт бичээд илгээгээтэх гэж л дээ. Хариуцлагатай албан бичиг бичих даалгавар авсан мань хүн ч хичээнгүйлэн бичиж дээ.

Цааш унших >>

Ном дор мөргөмү.

Ойрдоо Дэн Браун /Dan Brown/-ыг шүтэхээс наагуур байнаа, алтаар урс гэж. "Да Винчийн код" номыг нь уншаад л тэр шүү дээ. Киног нь үзсэний дараахан ном нь Монгол хэл дээр орчуулагдсан тухай дуулсан ч, "үйл явдал нь кинотойгоо адилханаас хойш" гэсэн шүү юм бодоод унших гэж шимтээгүй юм. Тэгсэн санамсаргүй шахуу байдлаар энэ ном гарт минь ороод ирсэн учраас уншваа хөөрхий. Ойрдоо ном шагайгаагүйг хэлэх үү, барьж аваад л хэвтээд өгөхгүй юу.

Цааш унших >>

Ухаарлын 7 хоног зарлая

... гэж бодож байна. Би гэдэг хүн ер нь нялх балчраас өдий насыг зооглох хүртлээ хичнээн олон арван, арвин зүйлийг эвдэлж хэмхлээ бол оо? Өвөөгийн ясан савх, өмдний товч шилбэнээс өгсүүлээд өч төчнөөнөөр тоологдох вий, миний гараар ороод, хэрэгцээнээс гараад талийсан эд юмс.

Цааш унших >>

Сарын бөгсөнд сараачсан бичлэг

Дэлгэр Монголын ард түмэн дэнж хотойтол наадсан биш, хотгор хонхор газраар нь үер ус урсаад, хамж тууж авч явчих гээд завхарсан юм болвуу ойрын үед чинь.

Цааш унших >>

Хэзээ нэгэн цагт

*** Залуу хүү шөнө голдуу тэднийд очдог байж билээ. Харанхуй шөнө хотын нэг захаас нөгөө зах руу зорчиход, хайр сэтгэл нь л хүүд зориг зүрх нэмдэг байв.

Цааш унших >>

Анхны хайр

Өнөөдөр - 7 сарын 1

Хүсэмгүй муухай хэрэг явдал болсноос хойш яг нэг жил өнгөрчээ. Жирийн иргэд сэтгэл дотроо айдас хүйдэстэй... улс төрчид бурууг бие биенээсээ хайгаастай... омголон залуус маань гартаа гавтай... олон эмэгтэй тэдний араас нүдэндээ нулимстай... Амьсгал хурааж, насан эцэслэх хүртлээ ахиж тийм зүйл үзэлгүй явсаар дуусах сан даа, тэнгэр минь.

Өчигдөр юу болов?

Өглөө сэртэл толгой тархи маань тэсрэх нь үү гэлтэй өвдөж, ам цанган амь тавих шахав. Шарталт!　

Цааш унших >>

Нэр

Монгол Хятадын дипломат харилцаа тогтоосны 60 жилийн ой тохиож, үндэсний телевизээр хятад сүүдэр ший гаргаж байна. Үндэс гарал нэгт өвөр Монгол ахан дүүс маань дуу оруулжээ. Энэ өвөрлөгчдийн яриа гэж ёстой элэг авна шүү. "Энэ төхөөрөмжийг хэрхэн үүдсэнээ ярь" гэж байна. "Хэрхэн зохион бүтээснээ ярь" гэсэн утгатай бололтой юм.

Цааш унших >>

Найз гэж хэн юм бэ?

/Дотны андынхаа асуултын хариуд/
Хэн ч билээ дээ /барууны л болвуу/ нэг мэргэн сартваахи "Хайр дурлал гэж хоёр хүн өөд өөдөөсөө бус, нэгэн зүг рүү харахыг хэлнэ" хэмээсныг уншиж байсан юм. "Хоёр хүн нэг зүг рүү харна" гэдэг маань ухаандаа Дондог, Дулмаа хоёр хамтдаа баруун зүг рүү хараа бэлчээнэ гэсэн үг биш л дээ. Сэтгэл зүрх нь нэгэн ижил хэмнэлээр цохилж, нэгэн ижил зүг рүү тэмүүлэхийн нэр болой. "Надад нэр нь үл мэдэгдэгч"-ээс улбаатай дээрх онч мэргэн үгийг нөхөрлөл, найзын холбоонд ч бас нялзааж болмоор санагдаад байдгийм.

Цааш унших >>

お久しぶりです。

Зиак. Сонин юутайцгаана? Ойрд муу блог руугаа шагайж бичлэг нэмсэнгүй, жаал зугаа юм бичээдэхюү байз. Их сургуулийн оюутан ахуй цагт маань, миний хайрт багш 「月の光が青くさしていた夜でした。」　гэсэн өгүүлбэрээр эхэлсэн зохион бичлэг бичүүлж байжээ биднээр.

Цааш унших >>

Өглөөний мэнд!

Өглөөний мэнд! Яг одоо улсын нийслэл Улаанбаатар хотод цаг 7:28 болж байна. Аниргүй шөнө улирдгаараа улирч, алтан нар жамаараа мандаж байна. Айлчлан ирэх шинэ өдрийг аанай л компийтэр дээрээ угтаж байна, би. Хичнээн ч хугацаа өнгөрч вэ дээ, шар шувуу сарьсан багваахай мэтийн олиггүй амьтад лугаа өдрөөр унтаж, шөнөөр идэвхжсээр...

Цааш унших >>

Бороог өмөөрөхүй.

Ойрын хэдэн өдөр дараалан Улаанбаатар хотноо усан бороо орж буйд зарим хүн багагүй бухимдаж буй болтой юм. Гэхдээ хүмүүн бид ундууцлаа гээд хүчирхэг байгалийг захирч дөнгөх биш, уурлалаа гээд өөрийгөө л зовоохын нэмэр буй за /"Уур биеийг зовооно..." - Монгол ардын зүйр цэцэн үгээс/.

Цааш унших >>

Робинзон Крузо аятай...

Хэхэ, арай ч сүртэй гарчиг тавьчихвуудаа. Гэхдээ бүтэн өдөржин тог тасраад түүн шиг байдалд орох дөхлөө. Өглөөхөн босоод, зурагтаар Саша барон Коэн Эминэмийг яаж дамшигласныг хараад сууж байтал хавь ойрын байрнуудын цахилгаан хамагдаж тасраад сүйд болов.

Цааш унших >>

Мишима Юкио - Үнсэлт

Яруу найрагч А бол өдөн үзгээр шүлэг бичиж заншсан нэгэн байв. Тэрээр шөнө, унтахынхаа өмнө шүлэг зохиолоо бичдэг байлаа. Уянгын шүлэгт эртнээс нааш хайр сэтгэлийг л дүрсэлж ирсэнчлэн, яруу найрагч маань ч энэ сэдвээс хазайсангүй.

Цааш унших >>

Мишима Юкио - Домог

Залуу эр ярьж байна.

Цааш унших >>

Мишима Юкио - Гүн ухаан

Шашны байгууллагатай холбоо бүхий ганц бие эрэгтэйчүүдийн дотуур байр, дайны үймээн дундуур Миякава шиг шашингүй үзэлтэй хүнийг оруулах болсонд ямар нэг учир шалтгаан бий буй за. Түүнчлэн, эндээс холгүйхэн орших их сургуулийн гүн ухааны салбарын хичээнгүй оюутан тэрбээр энэхүү дотуур байрны нэг өрөөнд, залгаа орших охидын сургууль руу харсан цонхтой тэр л өрөөнд хуваарилагдсан нь ч мөн л далдын ямар нэг шалтгаантай биз ээ.

Цааш унших >>